2012年4月28日 星期六

Dior FB GAME 換取 NUDE水漾礦物素肌粉底液 SPF10

之前試玩DIOR FB GAME, 玩完之後print出黎就可以換到sample.
最初以為換唇膏sample, 但換到的是粉底液, 好啦終於可以一試DIOR的粉底啦!



DIORSKIN NUDE水漾礦物素肌粉底液 SPF10 #020 light begie




這是貨size的樣子



產品介紹蘊含40%水分, 質地輕爽

左圖只搽了沒有調色作用的base, 可見面頰部位有少量泛紅.
右圖上粉後, 泛紅情況有助改善, 但遮瑕能力一般, 可見頰邊位置的暗瘡印仍未能遮蓋.
而質地方面, 上粉後冇出現厚粉的感覺.

總括而言, DIORSKIN NUDE水漾礦物素肌粉底液質地輕薄, 適合夏天及潮濕的天氣使用.
而產品的賣點是"水漾素肌", 而非遮瑕粉底, 對於有較大的面部瑕疵(如包子的雀斑)就要在遮瑕上花一點功夫.
相對面部瑕疵較少, 想上一點粉底讓自己看來好氣息的話, 這枝粉底液就可解決你膚色不均的問題, 讓你這個夏天擁有素肌的妝容!





~今日的分享到此為止, 多謝各位收看~






Email: jhgtg14@hotmail.com
Y! blog: http://blog.yahoo.com/baotze
theZtyle: http://baotze.theztyle.com
BE Blogazine:
http://blogazine.beautyexchange.com.hk/?133330
she.com: http://blog.she.com/baotze
Blogger: http://baotze.blogspot.com/
MySinaBlog:
http://jhgtg14.mysinablog.com/
Elle: http://blogs.elle.com.hk/juliaa/

2012年4月24日 星期二

淘寶分享一之迎接夏日!

包子幫襯淘寶都有差不多兩年, 前前後後都買過十幾次,
而家好多時行街見到鍾意既野, 都會返屋企上淘寶睇下有冇類似既野.
雖然淘寶度有好多野都賣到好平, D相又影到件貨好似好正,
但買之前最好睇下其他買家對件貨既評論, 就可以避免買到劣質貨!



而家就介紹下近期係淘寶淘到既東西!


包子一直都物色介乎"咖啡&灰色"既指甲油, 之前睇過OPI都冇我想要既顏色,
終於係淘寶被我搵到, 而且個價錢都OK, 大約HK$27

左: 亮油   右: "咖啡&灰色"指甲油


顏色好顯白, 而且5分鐘左右就乾!


我只係買左兩枝指甲油, 但賣家就送左一大堆的小物俾我

好多時睇韓劇都見到女演員戴住D好靚既髮飾, 搞到包子一直都想買個靚既幼頭箍, 今次終於被我搵到啦!

金色鐵線繞成既頭箍, 旁邊仲有D珠仔就裝飾, 好有復古既感覺!





人要扮靚, 手機都要扮靚! 手機裝飾除手機外殼, 仲有平時用黎聽歌既接口都有防塵塞!

金色小熊防塵塞(本來熊仔心口有粒閃石, 不過包子唔小心整甩左..)

不過老實講, 隻熊仔確實大隻左D..



而家就講下包子買既夏季衣物啦!

牛仔布領+寬鬆短袖T, 質料舒適, 好岩夏天穿著

而家睇下MODEL既示範



為左方便襯衫, 買左兩件素色的T-shirt, 紅色&黃色正好迎接夏日!









~今日既分享到此為止, 多謝各位收看~






Email: jhgtg14@hotmail.com
Y! blog: http://blog.yahoo.com/baotze
theZtyle: http://baotze.theztyle.com
BE Blogazine:
http://blogazine.beautyexchange.com.hk/?133330
she.com: http://blog.she.com/baotze
Blogger: http://baotze.blogspot.com/
MySinaBlog:
http://jhgtg14.mysinablog.com/
Elle: http://blogs.elle.com.hk/juliaa/

四月大出血! ESTEE LAUDER Double Wear Stay-in-Place Makeup SPF 10 & CDP Concealer

包子一直都用緊Bourjois Paris既粉底液, 質地比較潤身&有光潤.
但夏天就到, 所以想換隻控油好D&透薄既Foundation.
除左粉底, 包子雙頰有雀斑問題, 一直都搵緊隻唔乾&遮瑕度高既Concealer.
其實買咩牌子, 包子都心裡有數, 只係一直都唔捨得走去買.
點知上星期同朋友係中環食完野之後, 自己一個特登走落銅鑼灣買, 我諗我真係痴左線啦..



ESTEE LAUDER Double Wear Stay-in-Place Makeup SPF 10   30ml   $280


Cle de peau BEAUTE correcteur visage concealer   5g   $5XX (已經唔記得左買左幾多錢..)



先講粉底液

之前試用過新出既Futurist水潤亮澤修護粉底SPF15/PA++, 覺得都幾潤身, 好岩我呢D好乾既皮膚.
先前去過朗豪坊諗住買啦, 點知個BA態度勁惡劣, 對我愛理不理, 仲要冇晒貨! 所以一直都冇買到.
今次去到CWB Sogo, 個BA姐姐俾晒幾隻唔同既粉底液我試, 諗諗下都係想要支控油&持久既粉底液,
最好就有少少遮瑕作用, 所以最後就買左呢支Double Wear持久防曬粉底SPF 10


產品介紹可以有長達15小時的持久妝容, 適合潮濕的天氣使用, 而且可吸收面部多餘油分,締造柔滑、自然的妝容

但若果樽身設計方面, 有個揼咀就會方便控制用量.



BA姐姐建議我用cool tone, 因為warm tone會顯得我好黃, 而顏色方面就係Ivory Creme 39





前睇左圖未上粉前, 膚色有點不均,而且留意暗瘡位既顏色, 塗上粉底液之後膚色明顯均衡左, 而暗瘡顏色亦都淡左.
當然若果要進一步要遮暗瘡就要用遮瑕產品啦!



BA姐姐仲送左個新出既Cyber White Brilliant Cells Full Spectum Brightening Essence,
雖然得4ml, 但個包裝都做得好好, 有埋個揼咀!


個精華素質地好清爽, 好岩夏天使用!


講完粉底液, 就講下遮瑕膏啦!



CDP既遮瑕膏不嬲都出名遮瑕度高, 而且亦都出名貴! 咁就承惠$5XX..


CDP慶祝今年30周年, 就送左個紀念燭台, 樣子都相當精美!



CDP既售後服務好好, 有專人跟進顧客使用產品既情況.
而CDP concealer既用後感會留番下一篇blog再介紹!






~今日既分享到此為止, 多謝各位收看~




Email: jhgtg14@hotmail.com
Y! blog: http://blog.yahoo.com/baotze
theZtyle: http://baotze.theztyle.com
BE Blogazine:
http://blogazine.beautyexchange.com.hk/?133330
she.com: http://blog.she.com/baotze
Blogger: http://baotze.blogspot.com/
MySinaBlog:
http://jhgtg14.mysinablog.com/
Elle: http://blogs.elle.com.hk/juliaa/

2012年4月14日 星期六

試用品 Colourmix 牛爾NARUKO 魯冰花凍齡基礎保養組

首先要多謝Colourmix俾機會我試用牛爾NARUKO的魯冰花凍齡基礎保養組,
其實係復活節期前一日就已經收到左郵包, 但之後同朋友返左深圳玩, 假期後又要返醫院工作, 所以一直都未有時間打呢篇分享試用文



有3枝小東西: 魯冰花凍齡青春卸妝蜜、魯冰花凍齡青春化妝水、魯冰花凍齡青春乳液



原來魯冰花既樣子係咁, 有少少似風信子



首先要介紹既係魯冰花凍齡青春卸妝蜜 30ml

產品介紹: 利用如花蜜般濃郁的豐厚質地,賦予肌膚洗後極致輕盈的清潔效果;特別在成分中添加優異抗老保濕配方,在卸妝清潔瞬間,為乾荒與熟齡肌膚注入最需要的滋潤及修護能量。




今次包子用左幾隻產品進行測試, 分別係Kiss Me眼線筆, MAC眼線筆, Lavshuca啡色眼影, Lavshuca唇膏, Sofina粉底霜, Maybelline防水睫毛液

魯冰花凍齡青春卸妝蜜既質地比較似啫喱狀


而家開始測試!!!! 產品建議擠出約50元硬幣的量(台灣的50元硬幣同香港1元差不多大小)



大家留意下, 粉底,眼影,唇膏都已經卸走晒, 而兩條眼線顏色明顯卸左四成, 只剩底睫毛液冇麥黠變.
要注意一點, 卸妝蜜非針對防水彩妝產品, 所以若果要卸眼線&睫毛液呢D防水度高既產品, 都係用番眼唇專用卸妝產品.

將卸妝蜜均勻塗於乾面上, 然後再添加清水進行乳化表摩, 最後再用清水沖洗.
基本上, 魯冰花凍齡青春卸妝蜜的卸妝功效唔錯,對於一般的底妝都可以徹底卸除, 而且用後唔會有繃緊/油膩既感覺.



第2樣要介紹既係魯冰花凍齡青春化妝水   20ml

產品介紹: 利用媲美精華液的水分+養分雙高濃度化妝水,賦予乾燥老化肌膚急需的保濕滋潤,特殊抗老成分為肌膚維持彈存緊緻;極致保濕配方為熟齡乾荒肌膚,注入高營養滿水位。



魯冰花凍齡青春化妝水的質地有D似極潤, 有D黏既感覺, 但又冇極潤咁笠, 都OK清爽保濕


第3樣介紹既係魯冰花凍齡青春乳液   20ml

產品介紹: 加倍滋潤抗老成分,由肌膚裡層,向外抵擋陽光造成的老化現象,再利用豐富的保濕養分,提供肌膚內部充沛滋潤,以濃縮型高滲透質地,發揮裡應外合雙重抗老功效。


唔好以為俾熟齡肌, 隻乳液就會好油好笠, 相反我覺得夏天用都OK, 唔會好笠痴痴, 對於包子呢D乾燥肌就好適合



塗上魯冰花凍齡青春化妝水之前, 保濕&柔軟度只有兩格, 係真正既外油內乾



塗上魯冰花凍齡青春化妝水&魯冰花凍齡青春乳液後, 保濕度&柔軟度就提升至五格, 反而油脂成分就減至三格, 可見有即時的保濕成效!


總括而言, NARUKO 魯冰花凍齡基礎保養組有極效既保濕功效, 包子覺得除左熟齡&老化肌, 極度乾燥的肌膚都岩用, 而且用左之後唔會有笠既感覺, 包子由塗完
化妝水+乳液之後到而家, 都差不多有三個小時, 期間不停對住電腦, 到目前為止都KEEP水潤, 唔會話油笠笠.

而產品介紹, NARUKO 魯冰花凍齡基礎保養組貫徹牛爾產品既作風, 不含Parabens系防腐劑, 不添加人工香料, 不添加色素, 令各位用家可以放心使用.








2012年4月12日 星期四

點睛行動! 眼線產品大比拼!

一個令人精神既妝容, 包括: 透薄自然粉底>讓眼睛看來精靈的眼妝>有血色的咀唇
當中眼妝方面, 未必個個女仔會搽上眼影, 通常都係畫一條簡單的眼線.
而市面既眼線產品五花八門, 有眼線筆、眼線膠、眼線液等等..
今日包子就同大家介紹下平時用開既眼線產品.





首先要介紹既係Clinique Brush-on cream liner #Deep Brown   5ml   $130


屬膏狀眼線產品, 附送眼線小掃, 質地軟身, 有D似Boobi Brown既眼線膏

產品介紹可以保持多個小時不易化開, 包子會用佢黎畫內眼線, 但好多時兩三個鐘頭後已經淡晒色. 所以而家主要都係用黎畫外眼線, 再用啡色眼影blend開以營造漸變效果, 咁樣會令到個眼妝更自然.

而附送既小掃唔係咁好畫, 最好都係自己配過枝眼線掃.


 

而第二樣介紹既係Kate Gel Eyeliner #BK-2   2.5G   $69
掃另外配, 好似around $20

 屬gel狀, 相比眼線膏會硬身少少, 所以顏色方面都會實色D

(唔好意思, 要大家容忍我隻乾手.. -_-)
產品介紹可以長時間維持濃密顏色, 而且不易暈染. 對於油眼的包子黎講, Kate既眼線GEL防水防油方面都好好, 用黎畫內眼線既話可以keep到大半日, 而且好上色, 來回畫兩筆就已經足夠. 記得好耐之前係GEL連掃賣, 但而家就分開賣, 變相賣貴左. 不過佢把掃真係幾好畫, 建議大家都係俾多$20配番枝.



 
講完眼線GEL啦, 而家就講下眼線液.

Kiss Me 眼線液

Kiss Me既眼線液出名long lasting, 防水防油效果好好, 而且好實色&快乾, 可以輕易畫到粗幼線條. 不過唔好處係好易化開, 但以呢個價錢黎講算唔錯!




而家係時候講下眼線筆



Bella Madame 眼線筆(購於SaSa)   $29


其實我都唔知點解會買呢枝眼線筆, 老實講都算係雷品!  雖然筆頭軟, 感覺有D似蠟筆, 而且產品介紹有waterproof, 但防水防油效果超差, 一個鐘左右就已經化開晒, 係真正既熊貓眼!




之前係Cherry Culture買左好多NYX, 呢隻眼線筆都買左好幾枝
其實NYX係美國既出名開架品牌, 不過呢枝眼線筆真係麻麻, 要來回畫好多筆先出色, 而且筆頭都頗硬, 若果畫內眼線既話會有D困難, 所以都係當眉筆用.




MAC Shimmer Eye Pencil #Petrol Blue(limited)
其實之前包子已經用過同款既啡黑色, 而呢個顏色係限量發售, 而家好似冇得賣啦. 呢枝眼線筆個筆頭幾軟身, 可以輕易畫到內眼線, 不過包子通常都唔刨尖, 畫一條粗外眼線, 然後blend開做smoky eyes. 而持久度方面幾好, 即使油眼包都唔怕化, 所以之後會回購番枝啡黑色!






Maybelline Hyper Diamonds Liquid Liner
包子一向都想買枝紫色既眼線筆, 咁岩見到Maybelline有出, 仲含有閃粉, 可以襯番一個紫色既眼妝.






講左咁耐, 而家係時候睇下七隻眼線產品既持久力啦!


由上而下: Clinique>Kate>Kiss Me>Bella Madame>NYX>MAC>Maybelline

用紙巾來回擦幾次後
可以睇到Bella Madame同NYX已經差唔多甩晒, Maybelline都開始淡色, 其他果4隻都仲keep到八成




用Maybelline 眼唇卸妝液輕輕抹左一次之後
NYX已經完全抹晒, Kiss Me都仲有三四成顏色, 而MAC仲keep到五成! 由此可見MAC防溶效果一流! 所以一直都係包子既最愛! 不過持久力高既眼線產品卸妝功夫要做得好好, 要卸得好乾淨, 如果唔係好易會令到雙眼發炎! 所以大家要留意啊!








~~今日既分享到此為止, 希望大家繼續留意包子的分享空間啦~~







Y! blog: http://blog.yahoo.com/baotze
theZtyle: http://baotze.theztyle.com
BE Blogazine: http://blogazine.beautyexchange.com.hk/?133330
she.com: http://blog.she.com/baotze
Blogger: http://baotze.blogspot.com/
MySinaBlog:
http://jhgtg14.mysinablog.com/
Elle: http://blogs.elle.com.hk/juliaa/